Rrëfim nga Ksamili e sipër: mos jam gjë në Karaibe?

“A janë vërtet ato plazhe në Shqipëri? Po haluçinoj … duket sikur je Karaibe!”.

Kështu e nis përshkrimin një turist që ka kaluar një përvojë në plazhet shqiptare të Jonit në jug, publikuar nga faqja spanjolle miaventuraviajando.

Jo në kohë sezoni por pas tij, ja ç’shkruan ai:

Plazhet parajsorë, uji i kristaltë, perëndimet e lëbyrta të diellit, pak të shfrytëzuara, të virgjëra….

Me siguri, në fund të shkrimit keni një dëshirë të çmendur për të përfshirë Shqipërinë si destinacion plazhi në të ardhmen.

Ksamil

Pothuajse në kufirin me Greqinë është, për shijen time, plazhi më i mirë në Shqipëri.

Shikoni ngjyrën e ujit! Një parajsë e vërtetë …

 

Kombinimi i rërës së bardhë shkëlqyese, ujit thellësisht i kristaltë dhe ato ishujt në det të hapur, ju bëjnë të mos dëshironi të largoheni.

Diçka e paimagjinueshme!.

Në tetor, temperatura e ujit ishte perfekte.

Kakome

Kush tha se arritja në parajsë ishte e lehtë?

Kjo është ajo që mendova pas dy orësh në diell mes gjarpërinjve dhe shqetësimeve vetëm për të bërë një fotografi të këtij plazhi të mrekullueshëm.

Sikur përpjekja të kishte shpërblimin e një larjeje aty, por jo. Ky plazh ishte privat dhe unë nuk e dija.

Nuk e di nëse në të kaluarën kishte qasje qoftë nga toka apo nga deti, por më duhej të zbres në një shteg dhie mali që “dukej i lehtë”.

Si kuriozitet, atje lart gjeta disa nga 175,000 bunkerët që u ndërtuan midis viteve 1968 dhe 1983 në të gjithë vendin përballë një pushtimi të mundshëm. Një trill i udhëheqësit Enver Hoxha që ishte përfundimisht i padobishëm.

Krorëza

Dhe ndodhi që atje lart zbulova një plazh që më la të mahnitur.

Qasja e tij është ekskluzive nga deti, diçka që e bën atë edhe më interesante.

Nëse kthehem nuk do të hezitoj të shkel në këtë mrekulli!

Gjipe

Në Gjipe kam mundur të shijoj një perëndim madhështor të diellit. Dhe unë, i vetëm në plazh!

Pa asnjë ndërtim, gjendet i rrethuar nga shkëmbinj dhe një kanion mbresëlënës.

Dhe këtu, në rrugën bregdetare, mund të gjeni disa bunkerë gjysmë të fshehur.

Borsh

Borshi është krejtësisht i ndryshëm nga pjesa tjetër e plazheve në këtë listë.

7 kilometra rërë ku pamjet panoramike nga rruga janë të mëdha.

Nga njëra anë plazhi dhe nga ana tjetër malet.

Llamani

Gjiri i bukur me ujë kristal të pastër me disa restorante dhe bare.

Kur isha aty, nuk ishte absolutisht askush siç mund të shihet në fotografi.

Gadishulli i Karaburunit

Nuk pata mundësinë të vizitoj plazhet parajsore të këtij gadishulli, pasi jashtë sezonit nuk ka varka dhe nuk mund të shkosh nga toka.

Plazhe të tjera në Shqipëri

Kësaj liste mund t’i shtoj shumë plazhe të tjera me pamje shumë tërheqëse mirë që kisha në mendje t’i vizitoja, por për shkak të mungesës së kohës nuk e bëra.

Lukova, Porto Palermo, Himare, Jali, Dhërmiu ose Palasa.

Isha dhe në Sarandë, qendra urbane më turistike dhe më e famshme nga të gjitha, epiqendra e hoteleve, apartamenteve, restoranteve, bareve dhe ahengjeve në Rivierën Shqiptare. /sarandacity.al/