Zëvendëskryeministrja, njëherësh ministre e Infrastrukturës dhe Energjisë, Belinda Balluku dhe drejtori i FSHZH, Dritan Agolli, prezantuan programin “Rrugë të bardha”, një program që do të përmirësojë në mënyrë të ndjeshme aksesin në rrugët rurale, në ato zona ku aksesi është shumë i keq, ose edhe gati i pamundur.
Balluku bëri të ditur s në një vlerësim paraprak janë 10-15 mijë kilometra rrugë rurale.
Sipas saj, brenda 7 viteve me këtë ndërhyrje bëhen minimalisht 5 mijë kilometra “rrugë të bardha”.
“Do t’i japë frymëmarrje zhvillimit rural dhe sidomos bashkive që nuk kanë shumë mundësi ekonomike dhe kanë buxhete të reduktuara. Bëhet fjalë për rrugë të cilat janë konsideruar si jo fizibël, për sa i përket numrit të banorëve që kanë apo zhvillimit ekonomik të zonës”, tha Balluku, duke shtuar programi u shërben bashkive të vogla, të cilat kanë një zhvillim ekonomik të rëndësishëm vitet e fundit, siç mund të jenë rastet e bashkive që kanë zhvillim bujqësor apo turistik.
“Ka bashkim operatorësh bujqësor, ka një produkt, i cili mund të eksportohet, pra ka marrë një rëndësi rruga, jo vetëm për të aksesuar shtëpinë, apo për të aksesuar qendrën e fshatit, por edhe për zhvillimin ekonomik. Dhe nga ana tjetër, ka bashki, sërish të vogla, që kanë filluar të kenë një rëndësi të veçantë turistike. Duke i dhënë mundësi këtyre bashkive të vogla ose bashkive pa të ardhura të konsiderueshme që t’i ndërtojmë këtë rrjet fundor, sepse praktikisht ky është rrjeti fundor rural, i cili ka mbetur për shkak të prioriteteve që qeveria dhe pushteti vendor kanë pasur, këtu do të krijohen mundësitë e vetë bashkive për të gjeneruar të ardhura. Sepse duke i mbyllur, le të themi, këtë rrjet fundor, përmes programit të rrugëve të bardha, pra me atë lloj instrumenti, sigurisht këto bashki do të marrin një hov ekonomik, qoftë ky bujqësor, qoftë ky i turizmit, agroturizmit, i turizmit historik etj., duke e bërë kështu që bashkia të gjenerojë të ardhura, duke i rritur kapacitetet financiare dhe duke i bërë ata që të ndërhyjnë dhe vetë në të ardhmen”, shpjegoi Balluku. /sarandacity.al/
129111 464737Companion, this internet website is going to be fabolous, i merely like it 91166
698089 480006I very delighted to uncover this web web site on bing, just what I was looking for : D besides saved to bookmarks . 449067