Zv/kryeministri Arben Ahmetaj, duke iu përgjigjur alarmit të prekjes 200 lek për litër të çmimit të naftës, kujtoi të djeshmen, vitin 2009, kohë kur qeveriste Berisha.
“Sa është çmimi sot i naftës? Midis 190 lekë dhe 194 lekë. Ky çmim ka qenë vetëm në 2009. Cila është diferenca? Taksa e qarkullimit ka qenë 7 lekë atëhere, sot është 27 lekë.
Të vish të thuash këtu që e ka fajin qeveria e atëhershme është naivitet, siç është të thuash sot qeveria, qeveria. Ka të bëjë me ekonominë e tregut. Është hequr ngarkesa nga taksa e makinave dhe ka kaluar te çmimi i naftës. Kjo është filozofia. Pse në 2009 çmimi ishte 192, 193 dhe taksa ishte 7 lekë? Shqipëria nuk është net-exporter”, arsyetoi numri 2 i qeverisë. /tesheshi.com/
