Një emigrant shqiptar në Angli që pranonte më mirë të vdiste aty se sa të kthehej në Shqipëri, ka ndërruar jetë pikërisht me këtë zgjedhje.
Fjala është për një 37-vjeçar, që, siç raporton The Guardian, ka tentuar të vrasë veten brenda qendrës së emigrantëve Brook House, në Gatwick të Britanisë së Madhe. Dhe, pas një javë në spital, ka dhënë frymën e fundit pikërisht aty.
The Guardian sqaron se emigranti i paligjshëm nga Shqipëria ndërroi jetë të premten në spitalin East Surrey, ku ishte shtruar në njësinë e kujdesit intensiv pasi kishte tentuar të vetëvritej brenda kampit të emigrantëve.
Të shtunën në mëngjes, Home Office konfirmoi vdekjen e 37-vjeçarit, ndërsa policia, mjeku ligjor dhe avokati i popullit për burgjet dhe shërbimet e provës kanë nisur hetimet për rastin.
Viktima quhet Alfred Doskut, nga Librazhdi, ccfarë ka bërë që një grup shqiptarësh të protestonin jashtë ambienteve të qendrës Brook House, pranë aeroportit Gatwick, ku mbahen emigrantët.
Sipas tyre, brenda kësaj qendre ka ndodhur një krim dhe përgjegjësit, të cilët çuan në vetëvrasje të riun nga Librazhdi, duhet të mbajnë përgjegjësi.
Në oborrin e qendrës Brook House protestuesit përmes qirinjve krijuan emrin e Alfredit. Ai kishte mbërritur me gomone në Angli vitin e shkuar.
38-vjeçari shqiptar kishte 10 ditë në qendrën Brook House. Ai kaloi në një depresion të fortë. Pasi iu komunikua dëbimi kreu vetëvrasje duke përdorur çarçafët e dhomës.
Protestuesit shqiptarë kërkuan dhënien fund të trajtimit aspak dinjitoz të emigrantëve shqiptarëve të cilët mblidhen, në këtë qendër me qëllim dëbimin drejt Shqipërisë.
Taulant Omi, një prej organizatorëve të protestës tha se “ishin njoftuar të gjitha shoqatat e shqiptarëve në Angli, për t’ju bashkuar protestës por askush prej tyre nuk erdhi”. /tesheshi.com/
