Është shuar bashkëshortja e një senicioti me gjurmë në jetën e fshatit të njohur, ndodhur kjo, për koinçidencë, në ditën kur disa banorë të atyshëm protestonin dhe për mungesë uji.
Atë jua kishte mundësuar që në vitet e komunizmit Apostol Gjika, me kontributin e vetë personal duke mundësuar tubacionet, edhe pse jetonte në Durrës.
Pikërisht bashkëshortja e tij është ndarë nga jeta, njoftuar kjo nga Gurra Seniciote.
“U nda sot nga jeta, në Milano të Italisë, Malikë Gjika, bashkëshortja e seniciotit të madh e të paharruar Apostol Gjika.
Ikja e Malikë Gjikës lë mbrapa hidhërim për djalin e vetëm Jorgo Gjika, si dhe për vajzat: Evën, Argjiron e Majlindën.
Gurra Seniciote u gjendet shpirtërisht pranë në këtë ditë të rëndë e të dhimbshme dhe u drejton ngushëllime, në emër të të gjithë bashkëfshatarëve, për të cilët gjithashtu do të mbetet i paharruar dhe i nderuar kujtimi i saj.
I qoftë i lehtë dheu dhe e ëmbël balta!”, shkruhet në profilin e kësaj faqeje të njohur. /sarandacity.al/
