SHBA me “gishtin në plagën” shqiptare: pse s’bëhemi dot?

“Është koha për t’i thënë stop korrupsionit”, tha ambasadorja e SHBA në Tiranë, Yuri Kim, gjatë fjalës së saj në Konferencën e parë Antikorrupsion në Shqipëri.

“Dhe këtë mund ta bëni vetëm ju”, u shpreh ajo.

“Ju si shqiptarë dhe ne si SHBA, duhet të themi mjaft me korrupsionin, që Shqipëria të jetë më e fortë.

Kur unë mbërrita këtu, ndjeva energjinë, është frymëzuese por është edhe frustruese, sepse ky popull ka aftësi për shumë më tepër, por çfarë e pengon? Korrupsioni! Që duhet të jap rryshfet, që duhet të jap një favor në mënyrë që të përdor talentet e mija. Dhe kësaj duhet t’i jepet fund. Ne si SHBA e konsiderojmë korrupsionin si çështje të sigurisë kombëtare”, theksoi Kim.

“Ka ardhur koha që ligji të jetë i zbatueshëm për të gjithë. Kush thyen ligjin duhet të paguajë çmimin. Nuk po kërkoni një privilegj special por mundësi të barabarta për fëmijët tuaj me të tjerët. Le t’i japim fund korrupsionit”, theksoi ambasadorja amerikane. /sarandacity.al/