Saranda është qytet i bukur si pozicion gjeografik apo si finesë urbane apo arkitektonike?
Nuk do shumë sforco: është e para dhe jo e dyta. Madje në raport me pozicionin, si dhe detin para, një pjesë e Sarandës është e shëmtuar. E thonë këtë dhe ata të huaj që vijnë e përballen me të. Eshtë fjala për fasadën e qytetin, përbërë prej copësazh fasade pallatesh, të çngjyrosura, të cilat i japin një gri të pafalshme qytetit.
Shumë pallate të së djeshmes komuniste janë një shëmti e vëvrtetë, një barrë në imazhin jo të mirë të qytetit.
E ndërsa qeverisja lokale deri më tani ka mbetur në nivel ideje për një lyerje të përgjithshme, mungon ajo fibër qytetare e cila të çojë drejt inisiativave private por në kolektivitet, për t’i lyer vetë pallatet. Në një qytet që rron me turizëm, ndjeshshmëria dhe vetëdija qytetare, me përfitim edhe ekonomik, madje me bazë dhe finale përfitimin ekonomik, duhet të qe në maksimum, si askund në ndonjë qytet tjetër pa këtë status që gëzon Saranda. Se tek e fundit, një lyerje është dhe rritje e vlerës së pronës. Nëse do shpenzosh maksimumi 200 mijë lekë për fasadën, çmimi i pronës është më e pakta dhjetëfish.
Dhe shihni se ç’ndodh me një pallat përballë Bashkisë: gjysma, nga ana e xhamisë, është për bukuri pas është lyer, gjysma tjetër është hata.
Te pjesa e lyer, siç tregohet nga ata që morrën inisiativën, ishte shumë e vështirë të bindeshin banorët për një kontribut për pronën e përbashkët, që është dhe çdonjërit njëherësh. Te pjesa tjetër as që bëhej fjalë. Diferenca është e dukshme dhe jo thjesht në imazh; në kulturë, vetëdije, e në fund në llogari.
Sikur vetëm kjo e fundit te qe, do mjaftonte që Saranda të mos qe kaq është e shëmtuar. Një 200 mijë lekësh sot, janë 2 milion të fituara në pak ditë. /sarandacity.al/
