Fill pas përfundimit të ndeshjes me Maliqi, Butrinti pretendon se ka hasur në një shkelje të rëndë nga ana e ekipit devolli.
Butrinti ka denoncuar rastin Mario Kames, që sipas sarandiotëve, ka marrë katër kartona të verdhë në katër ndeshjet e fundit. Kësisoj, sipas rregullores, nuk duhej të luante në ndeshjen e pestë në radhë, pra sot kundër Butrintit.
Siç thuhet në rregullore ku Butrinti referohet, “shumica e turneve dhe kampionateve gjithashtu kanë rregulla shtesë për numrin e kartave të verdha të marra për disa ndeshje. Për shembull, nëse një lojtar për disa lojëra ka marrë 4 “patate të skuqura mustardë” (kartonat e verdhë), atëherë ai mungon ndeshjen e ardhshme”.
“Shpresojmë që Federata ta sqarojë këtë rast dhe të na japë fitoren në tavolinë.”, shprehet ekipi i Butrintit në faqen e tyre zyrtare në Facebook.
Më herët gjatë javës, Butrinti paralajmëroi se arbitrimi mund të ishte i njëanshëm në këtë ndeshje. /sarandacity.al/
