Pa u futur në replikë direkt me deputetin Braçe, ministrja e Bujqësisë, Frida Krifca ofroi një fotografi tjetër të situatës në bujqësi e blektori. Sipas saj, tashmë në Shqipëri po mbillet edhe grurë e misër.
“Agresioni rus në Ukrainë ka goditur rëndë prodhimin bujqësor në botë.
Ministria e Bujqësisë së bashku me atë të jashtme ndjekin dinamikat e furnizimit me ushqime në vend, furnizimin e rregullt të tregut me ditët e muajt në vijim. Prodhimi bujqësor në vend ka vijuar të rritet, prodhimi i grurit ka qenë i mbarë duke qenë edhe më i lartë se ai i vitit të kaluar.
Ministria e Bujqësisë do të inkurajojë rritjen e sipërfaqeve të mbjella me grurë dhe misër.
Po ndjekim funksionimin e tregut ku konstatojmë se blerja e grurit prej 50/kg, duhet të kemi parasysh se një pjesë e prodhimit shkon dhe për nevojat e vetë fermerëve.
Në publikimin e INSTAT nuk dëgjova njeri të krenohej për punën e fermerëve që prodhimi i perimeve janë rritur me 3.3%, rritjen me 10% të bimëve mjekësore.
Ne presim vijim të këtij trendi prodhimi dhe eksportesh. Ky ka qenë pesë mujor i mirë për fermerët. Blegtoria mbulon mbi 97% të konsumit. Në lidhje me numrat e raportuar, për herë të parë inventarizimi fizik i numrit të krerëve në terren ka filluar të bëhet në fund të vitit 2019. Kemi rritje veterinerësh me mbi 360 veterinerë shtesë.
Vëmë re rritje me 17% të krerëve në fermat blegtorale që kanë nga 10-50 krerë lopë. Kjo dukuri e blegtorisë ka të bëjë dhe me konkurrencën e brendshme për fuqi punëtore”, tha Krifca, duke lënë të nënkuptuar se nuk është dakort me kolegun e saj në mazhorancë, deputetin Braçë, i cili i është bërë qeverisë opozitari më i fortë në çështjet e bujqësisë e blektorisë. /sarandacity.al/
