Një bllokim prej 48 orësh është vendosur ndaj restorantit “Salt Bae” në Mykonos i shefit të njohur turk Nusret Gökçe. Kjo pasi autoritet greke konstatuan shkelje tatimore në lokalin e kuzhinierit të famshëm.
Zyra e taksave ka inspektuar kasapin turk në fillim të javës, duke konstatuar se diçka nuk shkonte me funksionimin e biznesit, pra kishte dyshime se faturat nuk priteshin.
Ndaj, në gjatë kontrolli të befasishëm në një tavolinë është konstatuar se për një faturë rreth 1000 euro nuk ishte prerë asnjë faturë. Ndaj, mesditën e së premtes kanë proceduar me vulosjen e biznesit për 48 orë.
Resoranti i famshëm pritet të rihapet mesditën e së dielës.
I njëjti rast ka ndodhur dhe në vitin 2019, kur “Salt Bae” në Mykonos sapo ishte hapur.
Nga auditimi u konstatua se kompania nuk kishte lëshuar 34 fatura, me vlerë totale 25800 euro.
“Salt Bae” është bërë i famshëm në botë përmes rrjeteve sociale për shkak të mënyrës së tij unike të kriposjes së mishit, një veprim i dashur nga të famshëm nga e gjithë bota. /sarandacity.al/
