Flama koronare i ka marrë jetën një tjetër emri të shquar të jetës në Sarandë, specifikisht, asaj artistike. Mjeshtëri i kitarës, njëherësh kompozitor, Adem Daci, nuk rron më.
Dalë në pension në 2010, ai është shuar në moshën 77-vjeçare.
Për 40 vite rresht, ai ishte një ndër ikonat e muzikës në Estradën e Sarandës, ardhur nga Pëmeti për të jetuar e punuar në Sarandë në vitet ’60.
Siç shkruan ish-kolegu i tij i skenës Vangjel Agora në librin memuaristik “Aroma e një kohe që po ikën”, Adem Daci ka qenë pjesëmarrës në mbi 200 premiera të Estradës së Sarandës, si dhe krijues i disa këngëve të intepretuara nga Lefter Agora, Telemak Papapano, Gani Doko, Pëllumb Zotaj dhe Theofan Kumbuli. /sarandacity.al/
