Ka bërë festë edhe varfëria në Delvinë nga Fiter Bajrami i sivjetshëm.
Myftiu Bledar Ali ka patur një angazhim personal dhe maksimal për të shpërndarë pakot e shumta me ndihma ushqimore, siguruar për shtresat në nevojë këtë Ramazan e Fiter Bajram, në një qytet që vitet e fundit i është shtuar varfëria.
Për udhëheqësin lokal të jetës islame në Delvinë, ky vit ka shënuar rekord në sigurimin e ndihmave për nevojtarët, thënë me gjuhë fetare, ka qenë tejet i bereqetshëm.
Ramazani, është sipas parimeve islame, dhe një muaj i veçantë bamërësie, ku besimtari yshtet të japë sa më shumë për ata që kanë nevojë. /sarandacity.al/
