Një “Projekt i Ri në qytetin e gurtë” e ka quajtur Fondi Shqiptar i Zhvillimit një ndërhyje të thellë në Kalanë e Gjirokastrës.
”Kanë filluar punimet për projektin: “Zbatimi i masave paraprake për adresimin e shqetësimeve urgjente për sigurinë dhe parandalimin e humbjes së strukturave të trashëgimisë në Kalanë e Gjirokastrës’, pjesë e ‘Programit për Zhvillimin e Integruar Urban dhe Turizmin’.
Ky projekt me financim nga Banka Botërore dhe zbatim nga Fondi Shqiptar i Zhvillimit është i ndarë në 3 paketa:
Paketa I-Konsolidime Gjeologjike dhe Strukturore
Paketa II-Konservimi Arkitekturor
Paketa III-Hidroizolim i tarracës së Muzeve
Aktualisht punimet janë përqendruar në proceset e gërmimit.
Puna konsiston në përforcimin dhe konsolidimin e strukturës mbajtëse të kalasë si dhe në ndërhyrjet ruajtëse dhe mbrojtëse për monumentin e kulturës në zbatim të ligjit për trashëgiminë kulturore dhe muzetë (ligji nr 27/2018)”, shkruan FSHZH në faqen e vet. /sarandacity.al/
