Ishte 14 prilli 1912, ora 23:40 me orën lokale, kur anija më e madhe, më luksoze, më e shpejtë dhe mbi të gjitha më e sigurt në botë, Titaniku, u trand pranë një ajsbergu të madh, rreth 460 milje larg brigjeve të Newfoundland. Dy orë më vonë, gjigandi humbi në ujërat e akullta, duke marrë me vete deri në fund rreth 1500 shpirtra, në udhëtimin e tij të parë. Lajmi ra si bombë mbi “botën e qytetëruar” të atëhershme.
Kishte kaluar një vit që nga mëngjesi i 31 marsit 1911, kur rreth 100 mijë njerëz u
mblodhën në mol në Belfast të Irlandës për të parë nisjen e Titanikut, avullores më të madhe dhe më luksoze të kohës së saj. Titaniku ishte anija më e madhe në botë – 269 metra e gjatë, 28 metra e gjerë dhe 53 metra e lartë, me një fuqi totale prej 51,000 kuaj fuqi.
Ndërtimi i tij kushtoi 10 milionë dollarë, që sot barazohet me 213 milionë dollarë. Kompania pronare e anijeve, British White Star Line, megjithatë, nuk u kujdes të investonte në një sistem paralajmërimi dhe alarmi, ngase për Titanikun të gjithë besonin se ai ishte i pathyeshëm, pra i pambytshëm…
Ndaj dhe për këtë kishte vetëm 20 varka shpëtimi, të cilat mjatonin vetëm për 1200 persona. Numri i tyre ishte llogaritur jo në bazë të pasagjerëve, por sipas gjerësisë së anijes
Ajo mund të ketë pasur teknologjinë më të fundit për kohën e saj, duke përfshirë një
panel kontrolli elektrik të avancuar, katër ashensorë dhe një sistem të avancuar komunikimi me valë që mund të transmetonte kodin Morse, por nënoficerët në detyrë atë natë fatale nuk e bënë këtë. Ata kishin dhe teleskopë dhe sigurisht që e panë ajsbergun, por kjo ndodhi shumë vonë.
Të mërkurën, më 12 prill 1912, ditën kur u ngrit spiranca nga porti i Southampton, 2224 njerëz hipën në anijen luksoze. Pasagjerët e tij përfshinin disa nga njerëzit më të pasur në botë, si dhe qindra emigrantë nga Britania dhe Irlanda,
Skandinavia dhe pjesë të tjera të Evropës, të cilët kërkonin një jetë të re në Amerikën e Veriut. Katër ditë më vonë, të gjithë përballen me fatin e tyre.
Pavarësisht paralajmërimeve nga anijet e tjera se kishte akull në zonë, kapiteni nuk caktoi ekip shtesë. Ata panë ajsbergun në minutën e fundit. Më kot u përpoqën ta shmangnin. Anët e anijes u “dëmtuan” në mënyrë të pariparueshme nga ajsbergu.
Në procesin e evakuimit të anijes, disa oficerë keqinterpretuan “fëmijët dhe gratë së pari” në “vetëm fëmijë dhe gra” me rezultatin që shumë varka zbritën në gjysmë të
rrugës në det. Gjithashtu, duke qenë se nuk kishte sistem alarmi, kuvertat e poshtme në të cilat udhëtonin punëtorët dhe emigrantët nuk u njoftuan për fatkeqësinë e afërt. Pra, shumica e pasagjerëve në nivelin e tretë vdiqën tragjikisht, pa i kapur asnjëherë varkat e shpëtimit. Orkestra e anijes vazhdoi të luante deri në minutën e fundit. Të gjithë anëtarët e saj u mbytën.
Pak para orës 2:20 të mëngjesit, anija u nda në dysh dhe filloi të fundosej më shpejt, me më shumë se 1000 njerëz në bord, gjë që i tërhoqi ata deri në fund me të.
Anija SS Californian ishte anija më e afërt me Titanikun, por ajo kurrë nuk mori sinjalin e shqetësimit sepse operatori i radios ishte jashtë shërbimit dhe ishte në gjumë. Anija e parë që arriti te të mbijetuarit ishte RMS Carpathia, rreth orës 4 të mëngjesit, shumë vonë për pasagjerët që ishin hedhur në det dhe kishin vdekur nga të ftohtit. RMS Carpathia arriti të mbledhë 720 të mbijetuar.
Që nga fundosja e Titanikut, numri i pasagjerëve ka ndryshuar shumë herë.
Parlamenti britanik në vitin 1912 arriti në përfundimin se kishte 2224 pasagjerë, nga të cilët 900 ishin anëtarë të ekuipazhit. Nga këta, gjithsej 711 persona u shpëtuan dhe 1513 humbën jetën. Nga personat që ranë në det pas fundosjes së anijes, shpëtuan vetëm 6.
Varkat që ndodheshin përreth nuk guxuan të ktheheshin për të marrë të mbijetuarit, përveç njërës. Pak njerëz vdiqën nga mbytja, pasi shumica vdiqën nga hipotermia brenda pak minutash.
Mbetja e Titanikut mbetet në fund, e thyer në dysh dhe gradualisht dekompozohet në një thellësi prej 3784 m. Që nga zbulimi i tij në 1985, mijëra objekte janë nxjerrë dhe ekspozuar në muzetë në mbarë botën. /tesheshi.com/
