Një tabelë me treguesin e limitit të shpejtësisë, si ndriçimi fosforeshent anash, janë tregues paralajmërues se aksi i shumëpritur Kardhiq – Delvinë po shkon drejt fundit, për t’u bërë më së fundi i përdorshëm. (Dhe është e diskutueshme: vërtet me 60 në orë do ecet?)
Siç është premtuar nga qeveria, ky aks do të bëhet u qërkullueshëm që në nisje të sezonit 2022, paçka se si afat pëfundimtar ka tetorin e vitit të ardhshëm.
Atëherë do të shihet se ç’efekt do ketë në prurje edhe më të madhe turistike, pas “heqjes qafe” të Qafës së sikletshme të Muzinës, e cila do na provokojë atë ndjesinë e tipit: Si e kemi bërë? Ngjashëm kjo me të njëjtën ndjesi që kemi kur mendojmë Ballshin e Greshicën e dikurshme.
Më pas, pasi të jetë bërë funksionalë segmenti i ri, emergjente bëhet aksi nga rrethrrotullimi i Shijanit deri te Ura e Gajdarit, pak kilometra, me taban asfalti deri diku të rregullt, por që përbën një hinkë bezdisëse pasi përfundon rruga e re. /sarandacity.al/
