Fqinji ynë jugor po merr masa të reja me qëllim që të shmangë bllokimin e radhës në muajt e dimrit kur rrezikohet një tjetër valë e pandemisë.
Sipas planit të ri të qeverisë greke, parashikohet që duke nisur nga vjeshta në të gjitha shërbimet publike në ambiente të brendshme do të ketë kontrolle të vizitorëve dhe të klientëve, të cilët duhet të kenë me vete testin në rast se nuk janë vaksinuar. Kjo vlen dhe për kafenetë.
Parashikohet që testet do të paguhen nga vetë qytetarët, ndërsa po diskutohet nëse në të njëjtën mënyrë të funksionojë edhe për mësuesit. Deri më 15 gusht do të vendoset nëse mësuesit do e përballojnë koston e testit vetë apo do ta kenë falas.
Masa pritet të vihet në zbatim që nga stina e vjeshtës. Një masë e tillë është marrë më parë nga Franca, Italia, Danimarka dhe Belgjika.
Ndërsa në Shqipëri ende nuk ka sinjale të tilla. /sarandacity.al/
