Një sinjal se Kardhqi është ende larg është dhënë nga Muzina.
Autoriteti Rrugor Shqiptar ka shpërndarë fotot e arrnimeve në asfaltin e rrugës gjarpëruese nga Jergucati në Bistricë, që edhe pak do nisë të jetë e paparakalueshme nga denduria e automjeteve.
“Në kuadër të mirëmbajtjes rutinë ka filluar puna për riparimet e zonave të dëmtuara të asfaltit duke rritur sigurinë rrugore”, shkruhet në faqen e Facebook-ut të ARRSH.
Por ndërsa do jetë një taban asfaltik i përmisuar, ngushtësia e rrugës dhe kthesat, të padenja për sezonin që po vjen, do jenë sigurisht aty. Që do të thotë se dhe ky sezon do ketë Muzinën si “njollë”.
Rruga e Kardhiqit, e cila si paralajmërim të fundit qeveritar për përfundim ka tetorin e këtij vitit, pra vjeshtën, ende nuk ka sinjale se do të ndodhë.
Së paku duke iu referuar dhe faktit se gjatë fushatës së lënë pas, në ardhjen e Ramës në Sarandë, ajo as nuk u inspektua e as nuk u promovua si vepër në përfundim. /sarandacity.al/
