Janë shtuar rastet e infektimeve në perimetrin prej 16 kilometrash Sarandë-Delvinë. 15 raste në të parën e 5 në të dytën është bilanci i 24 orëve të fundit. Por humbje jete nuk ka prej ditësh. Ndërkohë, kjo dinamikë infektimesh po ec paralel edhe me shtimin e dinamikës së vaksinimeve, por si kudo, arithmetikisht vaksinimi ende nuk po dominon mbi infektimet dhe kjo do kohën e vet.
Ndërsa në Greqinë fqinje situata COVID paraqitet më e rënduar. Raportohet se është regjistruar numër rekord të intubuarish me 728 persona dhe shumica e spitaleve të Athinës nuk kanë asnjë dhomë të lirë për të intubuarit e tjerë dhe se është kërkuar kontributi i spitaleve private, raporton TCH.
Autoritetet greke kanë shtyrë edhe për të paktën dy javë masat kufizuese dhe vazhdojnë të jenë të dyzuar nëse do të duhet t’i lehtësojnë ato të paktën deri para Pashkëve, pasi ka vlerësime se mund të rritet numri i viktimave si dhe numri i të shtruarve në spitale. /sarandacity.al/
