Saimir Tahiri, pas shpalljes fajtor, gjë që e çoi në burg, ku duhet të qëndrojë aty mbi tre vjet, nuk pranoi të flasë për gazetarët pas dhënies së verdiktit, por pak më vonë, në FB, përcolli këtë mesazh për publikun:
“Ju dua shume te gjitheve! Me vjen keq qe shkoi keshtu. Jam moralisht i qete, nuk kam shkelur kurre ligjin, kam dashuruar cdo dite te punes sime, jam i lumtur qe kam bere detyren sic me mire munda.
Eshte thjeshte PADREJTESI!”, janë fjalët e ish-ministrit të Rendit.
Që në nisje të procesit, ai ka shfaqur bindjen në pafajësi ndaj akuzave që i janë bërë. Madje ka qenë i bindur se do e fitojë këtë betejë, duke besuar fort në pafajësinë e tij. Argumenti i tij më i fortë ka qenë shpallja i pafajshëm nga drejtësia italiane për të njëjtën çështje që është shpallur fajtor nga drejtësia shqiptare. /sarandacity.al/
