Një javë më parë, pas punës hetimore të një komisioni parlamentar me fokus shkeljet e presidentit Meta, ky i fundit u shkarkua me një shumicë të qartë votash. Tashmë pritet vetëm verdikti i Gjykatës Kushtetuese për atë nëse Meta do qëndrojë apo duhet ta lërë godinën e kreut të shtetit.
Komisionin për shkarkimin e tij e kryesonte deputeti në ikje i Sarandës Alket Hyseni, me profil jurist. Kjo bëri që ndaj tij dikush të godiste me fejton politik. Ky ishte Agron Gjekmarkaj, një i ashtuquajtur “analist” pranë opozitës, që tashmë do jetë dhe deputet.
Por çfarë e karakterizonte Gjekmarkajn në gjuhën e tij ndaj deputetit Hyseni? Një prirje për t’i përngjarë Ramës në atë që është aftësia e lindur e këtij të fundit në stilin unik shpotitës, e cila daton si famë që në vitet 90-të.
Ja ç’shkruan ndër të tjera Gjekmarkaj për Hysenin, me shkak shkarkimin e Metës.
“Ushtari Zhvejk asnjë lidhje s’ka me ushtarin Alket!! Ai kishte ndërgjegje, vetëdije, gjykim dhe krenari, ndërsa ushtari Alket ka vetëm bark!! Dikush do thotë po ç’faj ka Alketi i gjorë ose gjithë alketushat në atë thes, faji është i Edi Ramës!!? Nuk është edhe aq e vërtetë, vetëm pjesërisht! Alket’hanja i hap çdo rrugë Edi Ramës dhe sa më shumë Alketusha të ketë, aq më ngrohtë ndihet ai!! Alketi është një prej te shumtëve, një tjetër do ia zërë vendin në parlamentin e ri! Por Alketi do jetë gjithmonë aty e kudo!”.
Por interesante: Gjekamarkaj, për ata që s’e dinë, është pedagog i Gjuhë-Letërsisë. Por dhe pse i tillë, nuk e di që nuk quhet Zhvejk por Shvejk ai që është ndër personazhet më brilante të letërsisë botërore – libri “Ushtari i mirë Shvejk”, me autor Jarosllav Hashek.
Interesant edhe fakti se paçka tentativës për ta patur gjuhën armë specifike të tij si polemist politik, i humb të gjitha përballjet televizive me Ramën pikërisht në sferën e gjuhës. E gjitha ndodh kur Rama i përgjigjet thjesht dhe sfidueshëm: “Po padër!”. /sarandacity.al/
