Raportohet se katër shqiptarë dhe një pakistanez janë arratisur nga burgu i Kretës.
Bëhet me dije se ata ishin arrestuar dhe të shtunën u transferuan nga Athina në Kretë ku
sot do të dërgoheshin për të vuajtur dënimin në burgun e Chanias. Por në orët e para të mëngjesit kanë arritur të arratisen nga qendrat e paraburgimit.
Akuzat që rëndojnë ndaj tyre janë ato për grabitje, vrasje dhe trafik droge. Madje, sipas informacioneve, njëri prej tyre është dënuar me burgim të përjetshëm për tre vrasje.
Nuk dihet se si ata kanë arritur të largohen nga Komisariati i Chanias, pak para se të dërgoheshin në qeli, ndërsa autoritetet e të gjithë Kretës janë mobilizuar për të bërë të mundur sërish arrestimin e tyre. /sarandacity.al/
