Të reja nga thrilleri në Andravida: detaji i kryefamiljarit shqiptar të ekzekutuar me familjen

Shqiptari Armando, ekzekutuar tragjikisht në Greqi së bashku me familjen e tij(gruan e dy fëmijët e vegjël), vijon të jetë lajm kryesor në median greke.

Një detaj i fundit është se ai, me origjinë nga Lushnja, ishte njeri besimtar musliman.

Në rrjete, një mik i tij, bashkëbesimtar, ka shkruar:

“Syri qan, zemra pikëllohet, por ne s’na ngelet gjë tjetër veç se themi: Të Allahut jemi tek Ai do të kthehemi!

Shuhet familja e vëllait tonë nga një akt barbar që ka ndodhur mbrëmjen e djeshme në Greqi, ku një shtetas grek në rrethana të paqarta ka vrarë Armandon dhe bashkëshorten e tij e më pas ka vrarë edhe dy fëmijët e tij.

E lusim Allahun ta ketë mëshiruar familjen e tij.

Un dëshmoj që Armando(Mandi) ka qënë musliman dhe është falur bashkë me mua. Kështu që bëni dua…”.

Ngjarja e rëndë ndodhi në Andravidë, Patras.

Autoritetet janë vënë në kërkim të autorit të mundshëm,shtëpia e të cilit u kontrollua dhe iu gjetën armë.

Ata kanë në shënjestër një 57-vjeçar, i cili nga banorët cilësohet si një person shumë i vetmuar, i cili përballej me probleme të rënda psikologjike. Si një person që nuk i pëlqente shoqërimi. Ai i shmangej bashkëqytetarëve të tij, shumë prej të cilëve e kishin frikë për shkak të sjelljes së tij ekstreme.

Madje mësohet se ka pasur edhe mosmarrëveshje financiare me çiftin për qiranë, pasi ishte pronar i shtëpisë.

Dëshmitë e banorëve të zonës në gazetën ‘Patris’ theksojnë se “na tha se do t’i dëbonte nga shtëpia para se të skadonte kontrata që vlen deri në mars”. Gjithashtu, ndërprerja e energjisë në këtë shtëpi tregon se si kjo mund të ketë qenë një mënyrë për t’i përzënë ata nga shtëpia një orë më parë.

Autoritetet janë duke u fokusuar tek personi konkret, pasi lëvizjet e tij janë regjistruar nga kamerat ÇTV që ekzistojnë në dyqane dhe shtëpi, pranë banesës ku çifti jetonte me tre fëmijët e tyre të mitur.

Njërin prek tyre, më të madhin, 11 vjeç, bashkëshortja Marie e kishte n ga një martëse e parë. Ndaj u dyshua se autori i ngjarjes makabër mund të qe ish-bashkëshorti i saj. Edhe ky po hetohet. Por përqendrimi më i madh është te 57-vjeçari, pronari i banesës kur jetonte familja shqiptare. /sarandacity.al/