Renato Sali me gradën “Oficer” denoncoi në Fiks Fare rastin e një padrejtësinë që pretendon se po i bën Drejtoria e Burgjeve, duke mos e emëruar në pozicionin e fituar me konkurs po në këtë institucion.
Ai u thotë gazetarëve se ka qënë pjesë e konkursit të zhvilluar nga Drejtoria e Përgjithshme e Burgjeve duke fituar edhe gradën. Aktualisht punon në paraburgimin e IEVP Sarandës si punonjës i rolit bazë.
Ndërkohë që z.Sali ishte i 40-i në listën e fituesve të publikuar nga Drejtoria e Përgjithshme e Burgjeve.
Në një takim që ai ka zhvilluar në Drejtorinë e Burgjeve ka rënë dakord që të emërohej oficer në IEVP Tepelenë, sipas gradës së fituar. Por, pavarësisht dakordësisë të marrë nga ky takim, Drejtoria e Përgjithshme e Burgjeve emëroi në vend të tij një tjetër officer, z.Qirjako Dodin.
Ky i fundit ka qenë pjesë e konkursit të zhvilluar, por me më pak pikë se Renato Sali dhe i renditur në listë i 68-i. Sali thotë se për këtë padrejtësi ka bërë ankesë dhe se z. Qirjako Dodi nuk qëndroi në atë pozicion, por për t’u hakmarrë ka depozituar një ankesë kundër tij si person i korruptuar.
Për shkak të kësaj ankese as Renato Sali nuk emërohet në pozicionin e fituar. Ndaj i drejtohet për një përgjigje Drejtorisë së Burgjeve e cila i thotë se vendi i oficerit në IEVP Tepelenë është vakant, por emërimi i tij nuk mund të bëhet sepse po hetohet nga SPAK .
Gazetarët e Fiksit i drejtohen me shkresa dy institucioneve për të marrë një përgjigje për çështjen e Renato Salit. Ndërkohë që kanë kaluar të gjitha afatet ligjore gazetarët e Fiksit shkojnë vetë në Drejtorinë e Përgjithshme të Burgjeve.
Në këtë institucion ju thuhen se janë në pritje të një përgjigje nga SPAK. Gazetarët i janë drejtuar edhe SPAK-ut për të marrë një përgjigje për Renato Salin.
Në përgjigjen e saj Prokuroria e Posaçme kundër Krimit të Organizuar dhe Korrupsionit thotë se nuk po heton z.Renato Sali si të korruptuar, por nën hetim nga ana e SPAK është Drejtoria e Përgjithshme e Burgjeve për rekrutim të punonjësve në Policinë e Shtetit në shkelje të ligjit. /TCH/
430422 615623 Nice post. I learn something more challenging on different blogs everyday. It will always be stimulating to read content from other writers and practice just a little something from their store. Id prefer to use some with the content on my weblog whether you dont mind. Natually Ill give you a link on your internet blog. Thanks for sharing. 136810