Është shuar në moshën 67-vjeçare poeti dhe kineasti i njohur Petrit Ruka.
Ai konsiderohej si një ndër krenaritë njerëzore të Tepelenës në sferën e kulturës, vendin prej nga ishte dhe të cilin e kishte pjesë të karrierës dhe frymëzimit artistik.
Petrit Ruka vuante prej kohësh nga një sëmundje në zemër.
I ndjeri kishte kryer studimet e larta për Gjuhë Letërsi, ndërsa studimet pasuniversitare ia kishte dedikuar dramaturgjisë filmike.
Ky lloj formimi e kishte çuar që të ushtronte pedagogun letrar e më pas skenaristin e regjisorin.
Ka botuar:
“Rinia ime” vёllim, vëllim me poezi, 1978.
“Atdheu fillon tek zemrat”, vëllim me poezi, 1983.
“Mirupafshim, hënë e vendlindjes!”, vёllim me poezi, 1990.
“Vërtitu, kokë e prerë!”, vёllim me poezi, 2000.
“Në zemër bie shi…”, vёllim me poezi, 2003.
“Shtatë mijë shirat e mi”, poezi të zgjedhura, 2008.
“Kalorësi mbi det”, ese monografike për Kadri Roshin, 2009.
E nga ana tjetër, ka realizuar me shume se 30 vepra kinematografike si skenarist dhe regjisor. /sarandacity.al/
