Dega e PD-së Sarandë është trazuar së fundi, duke reflektuar njëherësh krizën e shpërthyer në dualitetin Basha – Berisha. Matilda Qurku, një nga emrat simbol të kësaj force në Sarandë, me detyrë Sekretare dege, ka ndarë me publkun faktin që është shkarkuar në mungesë, ndodhur kjo ditë pasi doli krah Berishës në “Foltore”.
“Dega e Sarandës sot ka patur një mbledhje Kryesie me rendin e njoftuar më poshtë (fotua bashkë ngjitur)
Në këtë mbledhje unë nuk pata mundësi të marr pjesë për arsye familjare por sapo më njofton një antarë Kryesie prezent në mbledhje që qenkam shkarkuar dhe paskan bërë edhe propozime për zëvendësimin e pozicionit tim ..
Zyrtarisht nuk kam asnjë njoftim nga pengmarrësit e vulës dhe selisë qëndrore, por asnjë problem..
Ndihem e nderuar që më kanë shkarkuar pasi zgjodha të jem në krah të demokratëve dhe jo servileve…
Shihemi në datën 11 Dhjetor në Kuvendin e Demokratëve”, shkruan ajo, duke e bërë të qartë dhe njëherë qëndrimin e saj, krah Berishës.
Ndërsa në një postim të degës së PD, thuhet se ajo ka dhënë dorëheqje, duke iu përkthyer, siduket, si i tillë ky akt.
“Nisur nga disa lajme te rreme te shperndara qellimisht ne media njoftojme se:
– Znj. Matilda Qurku ka paraqitur doreheqjen prane kryetarit te PDSH me daten 14 maj 2021!
– Sekretari i Pergjithshem ka leshuar shkresen Nr.132 ne zbatim te statutit per pranimin e doreheqjes se znj. Qurku nga pozicioni i sekretares se deges dhe per te sjell propozimet per emrat e rinj per kete pozicion Kryesia Dega Sarande.
Nisur nga sa me lart ne mbledhje e sotme te kryesise se deges pasi eshte diskutuar per organizimin dhe pjesmarrjen e delegateve te deges Sarande ne Kuvendin Kombetare te PDSH, date 18 dhjetor, ora 11:00, jane marr propozimet per sekretar dege.
Konkretisht jane propozuar:
1- Johan Mema
2- Ledion Tusha
3- Ledio Muco
4- Maria Xhelali
Partia Demokratike dega Sarande hedh poshte cdo aludim dashakeqes per shkarkime apo percarje. Ne jemi ne krye te detyres per te bere opozite dhe per te sjell sa me shpejt PD ne pushtet. Nje parti nje kuvend#18 dhjetor”, shkruhet nga PD Sarandë, ku pra, konfirmohet kahmarrja pro-Basha. /sarandacity.al/
