Një autobus kish zënë gjysmën e rrugës në kryqëzimin kryesor të Sarandës, te Agjensia e Udhëtimeve, duke mos patur asnjë zgjidhje tjetër në atë lloj ngucje autobusësh në pritje për të marrë pasagjerë këto ditë me udhëtarë të shtuar si pasojë e fluksit turistik.
Ishte pamja më adapte e mungesës ulëritëse, si dhe nevojës po ashtu ulëritëse, për një stacion autobusi, të cilin Saranda ende s’e ka, ndonëse emrin e ka të madh për turizmin e saj.
Ky emër i madh, për paradoks, ka shkuar në përpjestim të zhdrejtë me zhvillimin infrastrukturor dhe për këtë mjafton mungesa e një stacioni autobusi, i cili këto ditë po sjell mjaft kokëçarje në trafik, pasi qoftë për stacionim e qoftë për lëvizje të detyrueshme brenda nj hapësire të ngushtë, e ka të pashmangshëm bllokimin e trafikut.
Që kur e majta ka marrë pushtetin, duke patur tre kryebashkiakë të saj, në asnjë prej tyre nuk janë realizuar vepra madhore në Sarandë, nga ato me rol lokal, ku pra vetë ekzekutivi lokal inicion kantiere punësh. Shëtitorja e re është projekt qeveritar me financim të huaj, nga Banka Botërore.
Një kryebashkiak në Sarandë, nëse për një mandat nuk i jep qytetit një vepër të rëndësishme dhe impaktive në ccdo pragsezoni, të paktën një, mund të quhet i dështuar. Pra, çdo sezon duhej dhe duhet çelur duke inauguruar një vepër. Dy apo tre do qe akoma më mirë.
Në 10 vite që PS qeveris dhe ka pushtetin lokal në Sarandë, sikur në çdo vit të realizohej një punë e madhe nga të mëdhajat që Saranda i ka nga tw nevojshmja në të domosdoshme, do ishte bërë goxha punë për qytetin. Një stacion i denjë autobusi duhej të ishte një prej tyre.
P.S. Në një mesazh lamtumire të ish-kryebashkakut Gurma, artikulohej prej tyre togfjalëshi “projekte të mëdha”, me aludimin se janë realizuar në katër vitet e tij. Po se cilat ishin, qoftë dhe një e vetme, nuk thuhej. Për të mos i ngrënë hakun: ishte rruga e re Lëkurës-Çukë dhe asfaltimi i Turizëm-Çukë. Por është zgjedhje e gjithsësecilit t’i quajë apo jo “projekte të mëdha” ose “punë të zakonshme”. /sarandacity.al/
