Mes 4 jetëhumbjeve nga aksidenti i një furgoni pasagjerësh në Muzinë, është dhe shoferi Bardhi Proda, 51 vjeç, banor i Sarandës.
Baba i tre fëmijëve, ai e bënte gati çdo ditë linjën Sarandë – Tiranë e kthim.
Në jetën komunitare të qytetit, i ndjeri Bardhi Proda njihej si njeri korrekt, i shoqërueshëm dhe me cilësitë e një njeriu pozitiv dhe të dashur te tjerët.
Siç është thënë pra zyrtarisht, ka qenë përplasja me një tjetër automjet, në timonin e së cilës ka qenë një grua, si ndër shkaqet e daljes së furgonit nga rruga.
“Njoftohemi se rreth orës 15:30, në rugën nacionale Gjirokastër-Sarandë, në vendin e quajtur Muzinë, mjeti tip Land Rover me drejtuese shtetasen R. Ç. është përplasur me mjetin tip furgon me drejtues shtetasin B. P.
Si pasojë e përplasjes mjeti tip furgon ka dal nga rruga dhe ka përfunduar disa metra poshtë rrugës.
Për pasojë kanë humbur jetën 4 shtetas, të cilët ndodheshin në mjetin tip furgon.
Në vendngjarje ndodhet grupi hetimor dhe po punon për zbardhjen e shkaqeve të aksidentit”, thuhet nga Policia e Gjirokastrës. /sarandacity.al/
