Kreu i Urbanistikës në Bashkinë Sarandë, Pandi Zhonga, si dhe juristja e Agjencisë Shtetërore të Kadastrës, Rovena Alikaj si dhe Aleko Anagnostin, noter, janë arrestuar nën akuzën e shpërdorimit të detyrës.
Sipas aktakuzës së ngritur nga Prokuroria e Sarandës, kjo treshe dyshohet se kanë kryer tjetërsimin e një sipërfaqe prej 10 mijë metra katror tokë, duke e ndarë tek persona të tjerë, të cilët më pas kanë ndërtuar. Këta të fundit janë Fredi Merkuri, Valter Llomi dhe Argonida Canaj, ndaj të cilëve janë ekzekutuar urdhër arrestet.
Thuhet se sipërfaqja tokësore e tjetërsuar ka qenë tokë shtetërore dhe para tjetërsimit shërbente si hapësirë e gjelbër, (Lulishte), për qytetin e Sarandës. /sarandacity.al/
