Kreu i shoqatës së Turizmit, Zak Topuzi është i mendimit se Shqipëria duhet të ndjekë një strategji të re sa i përket turizmit, ku sipas tij duhet të kalojë nga turizmi masiv në atë elitar.
Ai tha se ka bërë një krahasim me Kosovën, ku thotë se nga një studim ka rezultuar se një turist i huaj në Shqipëri ka shpenzuar 380 dollarë e ndërsa në Prishtinën zyrtare mbi 500 dollarë.
Sipas tij, turizmi masiv, në një kohë kur vendi është përballë një pandemie, nuk duhet të synohet.
“Ky turizëm masiv nuk është i rëndësishëm sot në kushtet e pandemisë, që duket se do të vazhdojë gjatë.
Duhet bërë një strategji, pasi rritja e numrit të turistëve nuk është një shifër e rëndësishme. Ne marrim 6 mln turistë, e ndërsa nga studimi rezulton se Shqipëria merr gati 380 dollarë për turistë ndërsa Kosova mbi 500 dollarë.
Kjo është një nga kërkesat kryesore të industries: shtimi i shërbimeve, rritja e çmimeve dhe ulja e numrit të turistëve për të marrë turistë elitarë. Një pjesë e turistëve elitarë të Kosovës kanë shkuar në Mal të Zi”, tha Topuzi. /sarandacity.al/
