Ndërkohë që pritet sezoni turistik, sidomos për ne në Shqipëri me ekonomi të dobët, kur e ardhur e madhe është pikërisht nga turizmi detar në verë, aty ku kanë e janë kontigjentet e ardhjeve të mëdha njerëzore për këtë turizëm, ka shpërthyer lufta. Pos kësaj, indikacionet ekonomike të konfliktit, kanë vënë një pikëpyetje të madhe mbi suksesin sezonit në pritje.
Ndaj, një vend që ka traditë shumëvjeçare turizmi, Mali i Zi, me shumë prurje nga aty ku po bëhet luftë, ka ngritur alarmin, gjithsesi pa e humbur shpresën.
Sekretarja e Komitetit për Turizëm të Malit të Zi, Sanja Markoviq, deklaroi se humbja e mundshme nga mosardhja e turistëve nga Rusia dhe Ukraina llogaritet në 150 milionë euro.
“Ju e dini se 75 dollarë është konsumi mesatar ditor i një turisti që qëndron në Mal të Zi. Duke e ditur që 254 mijë rusë dhe ukrainas erdhën vitin e kaluar, shifra e vlerësuar është rreth 150 milionë euro më pak në buxhetin malazez,” tha Markoviç.
Ajo shtoi se Mali i Zi është një treg tradicional për turistët rusë dhe ukrainas, të cilët përbënin deri në 21 përqind të vizitorëve të vitit të kaluar.
Markoviç deklaroi se ekonomia turistike malazeze është ende e pamjaftueshme, e ndaj po përgatet dhe po planifikon me shpresën se të gjitha konfliktet e armatosura dhe ajo që po ndodh në Evropë do të përfundojë shpejt.
Ajo ka shtuar se sezoni turistik do të jetë i pasigurt edhe këtë vit, transmeton portali CdM.me.
Ai beson se Mali i Zi duhet të gjejë tregje alternative për të kompensuar humbjen prej rreth 150 milionë eurosh, duke u fokusuar të ata të cilët përbënin 55 për qind të të ardhurve e vitin e kaluar. Fjala është për tek turistë nga Republika Çeke, Sllovakia, Hungaria dhe Polonia, të cilët tradicionalisht duan Mesdheun.
Këto kontigjente i has tashmë dhe në Shqipëri, por dhe këtu, rusët dhe ukrainasit kanë qenë një potencial vitet e fundit. Vitin e kaluar, veçanërisht në Sarandë, atyre iu shtuan dhe serbët. /sarandacity.al/
