Elon Musk ka arritur një marrëveshje me Twitter për ta blerë 44 miliardë dollarë, në një transaksion që do t’ia lërë kontrollin e rrjetit social, i cili ka miliona përdorues dhe liderë botërorë, njeriut më të pasur në botë.
Bisedimet për shitjen, të cilat nuk shkuan në një drejtim optimist javën e kaluar, u intensifikuan gjatë fundjavës, pasi Musk prezantoi detajet financiare të ofertës së tij para aksionerëve të Twitter-it.
Twitter filloi negociatat duke kërkuar 54,20 dollarë për aksion.
Kërcimi i çmimit të aksioneve
Me këtë marrëveshje, ajo i jep fund biznesit të Twitter-it si kompani publike, pasi për herë të parë ofroi publikisht aksione në vitin 2013.
“Fjala e lirë është themeli i funksionimit të demokracisë dhe Twitter është një mbledhje dixhitale për të diskutuar tema të rëndësishme për të ardhmen e njerëzimit”, citohet të ketë thënë Musk nga Reuters.
Aksionet e Twitter-it u rritën gjashtë për qind pas këtij informacioni. /tesheshi.com/
