Peter Diderihs, 81 vjeç, nga qyteti gjerman Ferde, shkroi një libër për udhëtimin aventuresk në të cilin ishte pesë vjet më parë.
Në moshën 76-vjeçare ai përshkoi 1600 kilometra nga Trieste në Igumenicë, me biçikletë.
Autori i artikullit në të përditshmen e Dusseldorfit – Rajnishe Post thekson se të gjithë
fansat e Karl May i njohin librat “Në grykat e Ballkanit” dhe “Nëpër tokën e Arbanasit”, por më pas shton se prifti në pension Peter Diderihs nuk kishte të njëjtat synime si personazhet e Karl May-it, për të ndjekur gjurmët e heronjve të tij rinorë letrarë, por që Karl May shfaqej vazhdimisht në rrugëtimin e tij, shkruan Deutsche Welle.
Kështu ishte tashmë në fillim të udhëtimit, në Trieste, në kështjellën Miramare, e cila shërbeu si vend i disa aventurave për Karl May.
Ai thotë se sigurisht e kujtonte Karl May-n në Shqipëri, por në fillim refugjatët e luftës e çuan në idenë që një ditë të eksploronte Ballkanin me biçikletë. “Sigurisht që kam qenë aty, por për mua Ballkani ka qenë gjithmonë vetëm një stacion kalimi”, thotë Diderihs.
“Më pëlqen të zbuloj vazhdimisht diçka të re, mundësisht me biçikletë”, thotë ai.
Diderihs i botoi përvojat e tij nga udhëtimi si një libër, në mënyrë që të tjerët të mund të përjetonin atë që bëri ai, por edhe të motivonin njerëzit e tjerë të bënin të njëjtën gjë që bëri ai. Dhe duke qenë se sezoni i çiklizmit sapo po fillon përsëri, ndoshta dikush do të ndjekë gjurmët e këtij burri nga Ferde, cili nga Trieste, ku ai arriti me tren, dhe më pas përmes Kroacisë, Bosnjes, Serbisë, Kosovës, Maqedonisë dhe Shqipërisë, ndaloi në Igumenicë. në Greqi, ku pati në destinacionin e tij.
Si i shkon mendja një njeriu që t’i ekspozohet kaq shumë mundimeve?
“Të udhëtosh me makinë është shumë e mërzitshme për mua. Thjesht përjeton më shumë me biçikletë”, thotë 81-vjeçari.
Ai pranon: “Megjithatë, zëri im i brendshëm më pëshpëriti se isha i çmendur, pasi po bëja një rrugë të gjatë me biçikletë në moshën 76-vjeçare”. Dhe ai hipi në një biçikletë normale që kërkon forcë muskulore, jo elektrike.
Peter Diderihs përshkoi 80 deri në 100 kilometra në ditë. Në fund u mblodhën 1600 kilometra. Ai mezi kishte kohë për të parë pamjet apo rrethinat e disa vendeve. “Unë i kompensova të gjitha tre vjet më parë,” shpjegon ai. /tesheshi.com/
