Garry Kasparov, një kampion botëror shahu, njëherësh dhe aktivist publik, thotë se ka paralajmëruar prej vitesh atë që duhej bërë me Vladimir Putinin e Rusinë e tij.
“Në rregull, pas vitesh injorimi të paralajmërimeve dhe dëgjimit gjatë gjithë ditës se kisha të drejtë, do të përsëris atë që thashë në 2014: Mos më thuani se kisha të drejtë por dëgjoni atë që po propozoj tani”, tha Kasparov.
“Jepni menjëherë mbështetjen ushtarake Ukrainës. Jepini të gjitha armët, inteligjencën. Shkatërroni financiarisht makinën e luftës së Putinit. Ngrini dhe kapni financat ruse dhe financat e tij dhe bandës së tij. Largoni Rusinë nga çdo institucion ndërkombëtar dhe financiar. PACE, Interpol, etj..,” shkroi kampioni, duke vijuar:
“Thirrni të gjithë ambasadorët nga Rusia. Nuk ka kuptim të flasim më. Mesazhi i ri i rënë dakord duhet të jetë: ndaloni sulmin ose do të izoloheni plotësisht!
Ndaloni të gjithë elementët e makinës globale të propagandës së Putinit. Fikini, mbyllni. Mos e ndihmoni diktatorin të përhapë gënjeshtra dhe urrejtje”, ka thënë Kasparov.
“Ekspozoni lakejtë e Putinit në botë. Nëse Schröder dhe të ngjashmit e tij vazhdojnë të punojnë për Putinin, bëni një padi. Pyetni pronarët e rrjeteve dhe reklamuesit, si Carlson, të cilët i japin hapësirë Putinit pse e lejojnë atë.
Gjeni një zëvendësim për naftën dhe gazin rus. Nxisni OPEC, rrisni prodhimin, rihapni Keystone. Nuk mund të shpëtosh një planet nëse nuk shpëton njerëzit në të. Pranoni se do të ketë kosto, sakrifica. Ne kemi pritur për një kohë të gjatë, çmimi është i lartë, por ai vetëm do të rritet. Është koha për të luftuar”.
Kasparov tha gjithashtu në Twitter se lënia e Putinit të thyejë Ukrainën dhe të vrasë mijëra të pafajshëm në luftën pushtuese do të ripërcaktonte rendin botëror.
Ai thotë se nuk bëhet fjalë vetëm për Putinin kundër Ukrainës, pasi presidenti rus ishte në Pekin me Xi Jinping disa ditë më parë.
“Kjo nuk do të kishte ndodhur nëse ata nuk do të kishin rënë dakord. Kina mund të pretendojë të jetë neutrale, por diktaturat qëndrojnë së bashku. Demokracitë duhet të bëjnë të njëjtën gjë,” shkruan Kasparov. /tesheshi.com/
