Ukrainë, derdhet dhe gjak shqiptari

Kryeministri Edi Rama njoftoi për një shqiptar në të vrarë në Ukrainë i veshur me uniformë ushtarake, i cili jetonte atje prej kohësh.

“…Djalë shqiptar që jetonte në Ukrainë dhe ishte martuar apo bashkëjetonte me një ukrainase”, deklaroi Rama në një konferencë për media pas një mbledhjeje të NATO-s, duke thënë se ai ishte pjesë e ushtrisë ukrainase.

Ndërkohë, i pari i qeverisë, tha se Shqipëria ishte e hapur për të pritur shtetas ukrainas të ikur nga lufta.

“Sot në samit jemi angazhuar këtë herë, e kanë bërë ketë gjë edhe vende të tjera, për të mikpritur dhe mirëpritur njerëzit familjarët që largohen apo do  largohen nga Ukraina që sigurisht për ne është e natyrshme që ta themi sepse kjo është histori jonë, këta jemi ne shqiptarët dhe kjo është pasuria që kemi detyrë t’jua trashëgojmë fëmijëve tanë si një nga pasuritë më të mëdha të kulturës morale të këtij kombi. Siç e thash në këtë situatë dhe në këtë konflikt çështja e këtyre njerëzve do jetë në vëmendje të shumë vendeve”, tha Rama.

Rama përmendi dhe një luftë të mundshme botërore, i pyetur se a mund ta rrezikojë Shqipërinë ajo çfarë po ndodh në Ukrainë.

“Nëse Lufta e Tretë Botërore shpërthen, nuk e evitojmë dot. Lufta është e vërtetë që ka impakt real në ekonomi. Sa, si, ku, do të shihen në rrugën e zhvillimet të ngjarjeve”.

Ndërkohë, Rama foli sërish për rritje çmimesh, të cilat ai theksoi se janë globale dhe jo lokale, pikërisht edhe nga zhvillimet në Ukrainë, duke i kthyer përgjigje dhe biznesit që ka vënë kushte.

 “Më vjen keq që një grup të përfaqësuesve të biznesit që dalin me kërkesa a thua sapo kanë zbritur nga hëna dhe nuk kanë dijeni për ngjarjes në tokë. Shpresoje të ketë qenë një moment lajthitje, pasi të kërkosh sot të tilla qiqra, ndërkohë që një hell i nxehtë po ndodh vetëm këtu mund të bëjë vaki”, tha Rama. /sarandacity.al/