Oksana Genkina prej gati 10 vitesh jeton në Tiranë, ku ka krijuar edhe familjen e saj. Ajo drejton një agjensi turistike dhe mund të quhet si njeriu që iu bë si një urë mes ukrainasve dhe Shqipërisë për motive turistike. Posedon gjithashtu dhe një hotel në Ksamil.
E larguar në vitin 2012 nga Ukraina, dy vite para aneksimit të Krimesë nga Rusia, ajo thotë se kriza mes dy shteteve duket më tepër politike, sesa konflikt mes dy popujve.
“Në gusht, shkova bashkë me bashkëshortin dhe fëmijët për të vizituar familjen në Kharkiv. Jetojnë 2 orë larg kufirit me Rusinë. Komunikoj çdo ditë me familjarët e mi atje. Jeta vijon normalisht, nuk ka panik. Nëse do të ishte situata shumë e frikshme, njerëzit do të blinin ushqime”, tregon Oksana në Ditarin e A2 CNN.
“Më vjen shumë keq që situata ka ardhur deri në këtë pikë, sepse kemi qenë si motër e vëlla, duke qenë se Rusia dhe Ukraina kanë qenë pjesë e Bashkimit Sovjetik. Mendoj që është çështje politike, sepse njerëzit ndihen shumë mirë me njëri-tjetrin. Prindërit e mi vijnë në verë për të shijuar pushimet në Shqipëri, por jetën e shikojnë atje. Shpresoj që kjo histori të mbarojë me paqe dhe të mos vijojë më tej”.
Për momentin, Oksana nuk e mendon kthimin në atdhe, por thotë se një ditë, fëmijët e saj mund ta bëjnë një gjë të tillë. Shpreson që politika të gjejë një zgjidhje, për shkak se sipas saj, njerëzit nga të dyja anët e kufirit dinë të bashkëjetojnë shumë mirë.
“Ne kemi qenë gjithmonë si vëllezër e motra. Njerëzit nuk kanë inate me njëri-tjetri. Thuajse të gjithë në Ukrainë dinë edhe rusisht, nuk kemi problematika komunikimi. Shpresoj që politika të gjejë gjuhën e përbashkët, e të mos vazhdojë më konflikti”.
402683 990776I like this web site because so considerably utile stuff on here : D. 466450
346755 523746You must participate in a contest for among the best blogs on the internet. I will suggest this internet site! 37335