Kryeministri Rama uroi Natën e Kadrit (arabisht – Lejletul Kadr) për besimtarët muslimanë, duke shkruar, pa ndonjë stërhollim teologjik: “U uroj sot Natën e Madhe të Kadrit – nata e zbritjes së Kuranit të Shenjtë – të gjithë besimtarëve muslimanë”.
Dhe, ndër komentet e shumta, qe dhe një sosh që i kujtonte të parit të qeverisë se i biri i kish lindur pikërisht në këtë natë.
Në rrugë shoqërore mësohet se pak vite më parë, Rama do agjeronte Natën e Kadrit, pak pasi i biri tjetër, Gregu, ishte shëruar nga një sëmundje e rëndë, i yshtur nga një bashkëpunëtor i afërt musliman. Do e bënte këtë duke qenë në Belgjikë atë ditë, gjë që e detyronte të hante iftar pas shumë orësh agjërim, siç përkonte ora e këtij vendi. /sarandacity.al/
