Dy ditë më parë, ministrja e Kulturës Eva Margariti do niste ditën me pamjet nga Xhamia e Gjin Aleksit në Delvinë, në kuadër të Ditëve të Trashëgimisë, duke shkruar:
“Me pamjet e Xhamisë së restauruar të Gjin Aleksit, në fshatin Rusan të Delvinës, ju uroj një fundjavë të bukur!”.
Por ky moment i rrallë i trashëgimisë fetare nuk është përuruar ende pas një rikonstruksioni të plotë e të thellë, i cili arriti të eliminojë dhe shumë problematika, të cilat rikonstruksionet e mëparshme, për shkak se ishin të pjesshme, i linin aktive.
Ka qenë situata pandemike ajo që ka shtyrë përurimin, planifikuar për tetor – nëntorin e vitit të kaluar, por që pritet të bëhet në një kohë më të përshtatshme.
Ndërkohë, falë Myftinisë Delvinë, Gjin Aleksi është i hapur për ritet ditore të besimtarëve, pa mbetur thjesht muzeal. /sarandacity.al/
224647 930404As I site possessor I believe the content matter here is rattling excellent , appreciate it for your efforts. You should keep it up forever! Best of luck. 974721