Vendi ku do ndërtohet areoporti i Jugut, në Gjirokastër e jo Sarandë

Kryeministri Rama ka postuar pamje nga vendi ku do ndërtohet areoporti turistik i Jugut, jo në Sarandë ku parashikohej apo planifikohej deri dje, por në Girokastër, treçerek ore më tutje, pa u shpjeguar shumë se pse ndodhi kjo zhvendosje. Por fakt është që kryebashkiaku i qytetit të gurtë, doktori okulist Flamur Golemi, ka lobuar fort për këtë, ku si argument kryesor në favor ka patur faktin se pikërisht në këmbët e Gjirokastrës ka ekzistuar dikur një areoport.

“…Dhe me këto pamje nga fusha e vjetër ajrore e Gjirokastrës, ku në bazë të studimeve të kryera me ndihmën e ekspertizës ndërkombëtare në zonën Sarandë-Gjirokastër, do të ndërtohet Aeroporti i ri Turistik i Jugut, gara për të cilin pritet të hapet brenda 6 mujorit të parë të këtij viti, ju uroj një ditë të mbarë”, shkruan i pari i qeverisë, një urim që sigurisht “ngec” te sarandiotët që e prisnin ata këtë areoport. /sarandacity.al/