Drejtoria e Përgjithshme e Shërbimeve të Transportit Rrugor, një shërbim që drejtohet nga Blendi Gonxhe, ofron info mbi atë se çfarë do ndryshojë apo nuk do ndryshojë tashmë që koncensionari ka kaluar në shtet.
“Shërbimi ekskluziv i Kontrollit Teknik të mjeteve rrugore rikthehet në administrimin e DPSHTRR!”, nis njoftimi zyrtar, për të vijuar:
– Asnjë tarifë ekzistuese nuk ndryshon ose nuk rritet!
– Ndryshon periudha e kolaudimit!:
– Autovetura e motomjete të reja (0 km) nuk kolaudohen 3 vitet e para! (çdo mjet tjetër i ri nuk kolaudohet vitin e parë)
– Mjetet me km, autovetura e motomjete kolaudohen çdo 2 vjet!
– Taksi, Autoshkolla, mjete transporti udhëtarësh (Autobus), mjete transporti special, Ambulanca dhe mjete transporti mallrash kolaudohen çdo 1 vit!
– Afatet e reja do t’i njihen çdo mjeti me certifikatë kolaudimi që ka datë skadence pas datës 23.12.2020! (Mjetet e regjistruara për herë të parë të reja do të përfitojnë gjithashtu periudhën përkatëse pa detyrim kolaudimi)
– DPSHTRR do të informojë në vijimësi çdo kategori mjeti për detyrimin që të kryejë kolaudimin dhe kohën!
– Mos qarkulloni pa paguar taksat vjetore të mjetit dhe pa rinovuar TPL-në (siguracionin e detyrueshëm) në datat përkatëse çdo 1 vit! /tesheshi.com/
