Viti i Ri: kur tërbohen dhe…gjermanët!

Policia dhe zjarrfikësit në detyrë në Berlin, kryeqyteti gjerman, u vunë në shënjestër gjatë festimeve të Vitit të Ri.

Në një deklaratë të Brigadës së Zjarrfikësve të Berlinit, thuhet se zjarrfikësja është dashur të ndërhyjë 1717 herë natën e ndërrimit të viteve dhe 749 herë është dashur të ndërhyjë për shkak të zjarrit.

Mësohet se në incidentet që kanë ndodhur gjatë festës së Vitit të Ri, kanë ndodhur 38 sulme ndaj zjarrfikësve dhe veturave të tyre, si dhe janë lënduar 15 zjarrfikës.

Në deklaratë thuhet se të paktën 22 persona u plagosën nga fishekzjarrët në Berlin gjatë festimeve të Vitit të Ri.

Shtohet se në natën e ndërrimit të viteve ka rënë zjarr në shumë shtëpi dhe persona të paidentifikuar kanë ndezur zjarrin në lagjen Lichtenrade dhe më pas kanë sulmuar zjarrfikësit që kanë ardhur në lokacion për të shuar zjarrin me gurë dhe shkopinj.

Në një deklaratë nga policia e Berlinit, thuhet se përveç zjarrfikësve, sulme janë kryer edhe ndaj policisë dhe punonjësve të transportit publik.

18 policë u plagosën në sulmet në natën e Vitit të Ri dhe gjithsej 103 persona, pesë prej të cilëve ishin gra, u ndaluan për krime si zjarrvënie, vepra shpërthyese dhe sulme ndaj policisë.

Mediat gjermane raportojnë se të paktën dy persona kanë humbur jetën në aksidente të shkaktuara nga fishekzjarrët dhe se shumë persona kanë mbetur të plagosur rëndë.

Sipas raportimeve, një adoleshent 17-vjeçar, i cili u plagos rëndë gjatë përdorimit të fishekzjarrëve në qytetin e Leipzig-ut, ka ndërruar jetë në spitalin ku u transportua, ndërsa një person ka ndërruar jetë si pasojë e përplasjes nga një automjet teksa ishte duke u vendosur fishekzjarre në rrugë në provincën e Saksoni-Anhalt.

Në qytetin Schleiz, një 21-vjeçar humbi krahun në një aksident me fishekzjarre. /sarandacity.al/