Kryeministri Rama foli për herë të parë në lidhje me rritjen e çmimit të bukës, duke e quajtur atë si të pashmangshme për vetë sistemin ku jetojmë.
Ai u shpreh se as ulja e TVSH-së nuk ka sjellë ndonjë rezultat në uljen e çmimit të bukës.
“Furnizuesi më i madh i grurit në Europë është Rusia dhe ajo ka vendosur një taksë eksporti, kjo ka bërë që çmimi të rritet kudo dhe këtë nuk e ndalon dot duke marrë masa nga lart poshtë pasi lidhet drejtpërdrejtë me tregun.
Edhe ulja e TVSH nuk ka sjellë ndonjë rezultat nën uljen e çmimit. Për fat të mirë ndikimi mund të ishte edhe më i madh dhe të ishte realisht problematike.
Kjo rritje nuk ka ndodhur për herë të parë, është e treta herë që rritet gruri”, shpjegoi i pari i qeverisë. /tesheshi.com/
