Aktori dhe pedagogu i artit skenik Genc Fuga është në gjendje të rëndë shëndetësore, gjë që ka detyruar bashkëshorten e tij, aktoren dhe regjisoren Enio Jani që të bëjë thirrje për ndihmë.
“Nuk qenka e lehtë, por në këto momente e kam domosdoshmëri. Genci po kalon një periudhë të vështirë. Ka pësuar goditje në tru dhe në këto momente po bën ndërhyrje (në një spital privat).
Do iu lutesha të gjithë punonjësve të RTSH-së dhe kush mundet të kontriubojë për të ofruar një shumë prej 200 mijë lekë të rinj për të plotësuar koston prej 19 mijë euro të operacionit. Ndjesë dhe konsideratë”, shkruan ajo që ka ndarë jetën me të, kanë ngritur familje bashkë.
Iu drejtohet kolegëve në RTSH, pasi aty punon si regjisore. /sarandacity.al/
