Zbardhet tragjedia shqiptare e Andravidës, kapet autori: i vrau për qeranë!

Është zbuluar më në fund autorësia e një makabriteti që tronditi këto ditë Greqinë.

Një familje shqiptare, bashkëshortët Armando dhe Maria Klosi, si dhe dy fëmijët e vegjël të tyre, u ekzektuan si në një thriller filmik në shtëpinë e tyre në Andravidë, Patras.

Autori është pikërisht pronari 61-vjeçar i banesës ku ata jetonin me qera, i cili u arrestua pak pas mesnate në Patras, duke rrëfyer krimin e tmerrshëm të katërfishtë.

Shkak ka qenë një mosmarrëvëshje lidhur me qeranë. Autori ka thënë se ata, familja e shuar, kishin pa paguar qeranë, ndërsa një tjetër version flet për tentativën e pronarit grek, shndërruar në vrasës, që t’i dëbojë pa skaduar qiraja.

Në fillim u dyshuar se krimi mund të qe kryer nga burri i parë i bashkëshortes së lushnjarit 32-vjeçar, Armandos, me të cilin kishte një fëmijë 12-vjeçar, i cili qe ai që u përball i pari me skenën e tmerrshme, pasi ishte prezent në kohën e krimit. Ai jetonte me nënën e tij pas divorcit, duke qenë pjesë e familjes së re, edhe me dy vëllezër të vegjël nga nëna.

Në Andravidë ka shkuar edhe babai biologjik i 12-vjeçarit të mbijetuar nga masakra, për ta marrë me vete në Athinë ku jeton dhe punon. /sarandacity.al/