Një skenë e re politike krijohet nga fitorja historike e Demokracisë së Re në zgjedhje me diferencën e dytë më të madhe të shënuar në analet e Post-Revolucionit, shkruajnë mediat e Athinës, duke iu referuar triumfit të Mitsotakisit në zgjedhjet e së dielës.
Rezultatet zyrtare nuk lënë vend për të vënë në dyshim dominimin e Kyriakos Mitsotakis, duke shkaktuar shqetësim serioz për SYRIZA-n. Diferenca prej 20% në zgjedhjet e 2023 justifikon përpjekjet e bëra gjatë katër viteve, por edhe mënyrën se si u zhvillua fushata e Nea Demokratia, shkruan Protothema.
Ndërkohë, PASOK, forca historike e të majtës, vijon krizën disavjeçare duke u renditur e treta.
Përqindjet për parti:
ND: 40,79
SYRIZA: 20.07
PASOK: 11.46
KKE: 7.22
Zgjidhja greke: 4.45
FITORE: 2.92
Lundrimi i Lirisë: 2.88
MeRA25: 2,61
Komentohet se 20 pikët e Demokracisë së Re nga SYRIZA janë diferenca e dytë më e madhe në përqindje e partisë së parë nga ajo e dytë në analet e Pas-Revolucionit. Dy herët e tjera ishin në vitin 1974 dhe 1977.
Kujtohet se zgjedhjet parlamentare greke të vitit 1974 ishin të parat pas diktaturës së kolonelëve. Ato u mbajtën nga qeveria e Unitetit Kombëtar të Konstantinos Karamanlis, më 17 nëntor të atij viti.
Siç u bë e ditur, pak para orës 22:00, Alexis Tsipras ka telefonuar Kyriakos Mitsotakis dhe e ka uruar për fitoren.
Ai foli për një “tërmet politik” në deklaratën e tij pas fitores së madhe, duke theksuar se me votën e tyre qytetarët treguan se duan një qeveri të pavarur(nga fuqitë botërore), siç ishte rastin me krizën.
Dhe siç mund të shihet në hartën greke, ajo është ngjyrosur blu në bazë të rezultateve, ngjashëm siç roza që dominoi Shqipërinë një javë më parë. /sarandacity.al/
