Ndërkohë që punohet në frontin e Skërficës, për të mundësuar në prag sezoni nisjen e qarkullimit të automjeteve në aksin e ri Kardhiq-Delvinë, në një front tjetër, atë të zgjerimit të një aksi që lidhet me të riun, vijon pune me “goditje të përqendruar”, nëse huazojmë këtë togfjalësh proletar nga koha e komunizmit.
Fjala është për zgjerimin e aksit Shijan-Gajdar, i cili do mundësojë që rruga e re të mos ngushtohet në rrethrrotullimin e Shijanit por të jetë në të njëjtën gjerësi, edhe pse me dy korsi gjithsesi, por jo e ngushtë sa për t’u “fërkuar” makinat në ndërrim.
Kështu, pasi nisi zgjerimi në rrugën e ish-Pularisë, tashmë makineritë janë stacionuar në afërsi të Shijanit.
Ndërkohë, në afërsi të kthesës për në Karahaxh, është bërë dhe zhvendosja e çesmen së njohur me disa metra më tutje. /sarandacity.al/
