Gazetaria greke është në shok pas lajmit se Nikos Katsikas, një emër i njohur i gazetarisë së fqinjit jugor, është gjetur i pajetë, për më tepër i vrarë, ndodhur kjo në Giza të Egjiptit, ku ai ishte rezident me motive profesionale.
Ditë të tëra pa u parë, humbur kontaktet me familjen, ai u gjet i qëlluar me thikë në banesën ku qëndronte në Giza. Dyshohet që njeriu i cili i morri jetën të jetë një shpërndarës ushqimesh, mes të cilëve kishte njohje. Ndërsa qëllimi i vrasjes dyshohet të ketë qenë grabitja.
Sipas medias egjiptiane, autoritetet vendase vlerësojnë se motivi i vrasësit ishte grabitja e Katsikasit, i cili punonte si korrespondent i Agjencisë Athinase të Lajmeve në Kajro dhe bashkëpunonte me ERT për disa vite.
Kush ishte Nikos Katsikas?
Nikos Katsikas ka lindur më 7 maj 1966 dhe ishte me origjinë nga Pireu. Ai punon si korrespondent për APE-MPE në Kajro që nga shtatori 2016, dhe në gazetën historike Fos në Kajro që nga vitet 2000. Para Kajros, ai ishte korrespondent i mediave greke në Bruksel.
Ai ishte kryeredaktor i edicionit të përjavshëm Neo Fos në Kajro (vazhdim i Fos-it historik), i edicionit mujor “Alexandrinos Tachydromos” dhe i faqes informative Pyramis.
Ai ishte njëherësh nënkryetar i Qendrës Helenike në Kajro. Gjithashtu ishte anëtar i Shoqatës së Redaktorëve të Gazetave Ditore të Athinës (ESIEA). /sarandacity.al/
757487 955803This was an incredible post. Really loved studying your website post. Your data was quite informative and helpful. I feel youll proceed posting and updating regularly. Searching forward to your subsequent one. 446330
769333 36841Some truly good articles on this site , thankyou for contribution. 881906
159865 560410This is actually interesting, Ill have a look at your other posts! 794264