Uturima e Zjarrfikëses së Sarandës u dëgjua që mëngjes, duke lënë të kuptuar se një zjarr ka rënë diku. Dhe vërtet kishte në rënë zjarr, por për një arsye që drejtuesve të Zjarrfikëses së qytetit u është bërë hall, pasi bëhet fjalë për papërgjegjshmëri njerëzore.
I fundit, ai i kësaj të enjteje, ndodhi në Rrugën 5. Ishte gjyshja e një shtëpie, e cila i kishte vënë zjarrin kotecit të pulave me qëllimin për të djegur morrat e atyshme. Pra, për të shpëtuar pulat nga morrat, ka djegur gjithë kotecin.
Rast i ngjashëm, jo me kotec, ka ndodhur një ditë më parë dhe në Ksamil, ku i është vënë zjarri një barake.
Ndërsa djegia e plehrave është kthyer në rutinë, ku më problematike, sipas drejtuesve të Zjarrafikëses janë lagjet “Baba Rexhep” dhe “Lugu i Dardhës”.
Aty, ku veçohen sheshet e hapura për ndërtim, digjen plehra pa pyetur askënd. Ama në atë shkallë sa detyrojnë mobilizimin e zjarrëfikëses.
Pra kjo e fundit, nga papërgjegjshmëritë njerëzore, është e detyruar të kostojë në kohë dhe energji për zjarrëvënie të mentalitetit të xhunglës. /sarandacity.al/
