Zjarret: sytë e ankthit, të gjitha nga Llogaraja

Edhe pse zhvillimi më dramatik nga zjarret e këtij sezoni u shënua dy ditë më parë në Gjirokastër, në fshatrat e saj, ku pati një humbje jete, sytë e ankthit është janë përqënduar në Parkun e Llogarasë. Kjo pasi zjarri ende i pashuar në Karaburun të avancojë drejt asaj që konsiderohet perla natyrore e turizmit malor të Jugut.

Era e fortë dhe me drejtim nga jugu ka bërë që situata e zjarrit në malin e Karaburunit  të përkeqësohet dhe pikërisht pjesa mbi Gjirin e Gramës që lidhet me Llogaranë.

Sipas punonjësve të Shërbimit Zjarrfikës, situata po përkeqësohet me nisjen e erës që fryn nga Jugu duke bërë që flakët e zjarrit të përparojnë në pjesën e malit dhe po i afrohen pjesës halore ose me pisha, gjë që rrezikon seriozisht.

Kësisoj forca të shumta janë drejtuar drejt malit, por deri tani raportohet situatë e vështirë. Kërkohet ndërhyrje urgjente nga ajri për neutralizimin e flakëve.

Ndërkohë, mbi fshatin Dukat i Ri janë aktive tre vatra zjarri edhe për këto nëse nuk ndërhyet do përhapen me shpejtësi, shprehen banorët e Dukatit. /sarandacity.al/