Autoritetet në rajonin jugor grek të Korintit kanë evakuuar banorët e gjashtë fshatrave për t’u siguruar ndërsa zjarrfikësit luftojnë një zjarr të egër, thanë zyrtarët të enjten.
Gjithsesi, nuk ka njoftime për vdekje në një zjarr që shpërtheu të mërkurën në mbrëmje në një vendpushim të vogël në gadishullin e Peloponezit, rreth 90 kilometra nga kryeqyteti Athinë.
Autoritetet kanë urdhëruar evakuimin e gjashtë fshatrave dhe dy manastireve në Malet Geraneia si një masë paraprake, tha një anëtar i brigadës së zjarrit.
“Rreth 300 njerëz janë evakuuar,” tha zëdhënësi i policisë Theodoros Kronopulos.
Më shumë se 180 zjarrfikës po shuajnë zjarrin me 62 kamionë zjarri, 17 kanadezë dhe tre helikopterë, tweetoi brigada e zjarrfikësve. /sarandacity.al/
