Disa të shtëna me armë zjarri janë raportuar këtë mbrëmje në një kompleks turistik në Ksamil. Prej tyre ka mbetur i plagosur një person. Policia mbërriti menjëherë në vendngjarje, ndërkohë që i plagosuri u transportua në Spitalin e Sarandës e më pas në Tiranë.
Si rezultat i reagimt të shpejtë dhe veprimeve profesionale të kryera nga grupi hetimor u bë e mundur zbardhja e ngjarjes dhe arrestimi në flagrancë i shtetasit Edison Vyzaj, 28 vjeç banues në Shkodër.
Nga veprimet e para hetimore rezultoi se rreth orës 20:45, në një dhomë hoteli në Ksamil, nga pakujdesia shtetasi Edison Vyzaj ka plagosur 33-vjeçarin i cili ndodhet në spital jashtë rrezikut për jetën. Shërbimet e Policisë kanë gjetur e sekuestruar në cilësinë e provës materiale armën e zjarrit pistoletë.
Grupi hetimor vijon punën për zbardhjen dhe dokumentimin e plotë të rrethanave të ngjarjes.
Përflitet që autori të ketë qenë i dehur e ta ketë shkrehur armën pa dashje në gjendje ëakërqejfi. /sarandacity.al/
